شوف ربنا بيحذرك كام مرة

موضوع: شوف ربنا بيحذرك كام مرة 9/12/2007, 4:32 pm

رسالة تنبية

المكان : غرفة العناية المركزة
الأشخاص : طبيب واطباء مساعدون ومريض
الحدث : حالة غيبوبة مفاجئة
يسارع الاطباء لإسعاف المريض بالمحاليل والادوية اللازمة ولكن المريض لا يستجيب
وفجأة ... يزيد تدهور الحالة فقد توقف القلب ... تسرع يد الطبيب إلى جهاز تنبية القلب الكهربائي ويبدأ فى تحفيز القلب ..
100فولت ... لا فائدة
1000فولت ... لافائدة
وظل يحاول حتى وصل إلى اقصى حد مسموح به ثم تلفت لمن حوله وقال ... إنا لله وإنا إليه راجعون ...

وبدأ الطبيب يتذكر هذا المريض الذي كانت تربطهما علاقة قوية فكم من مرة نصحه بالذهاب للمستشفى وإجراء فحوصات شاملة بعدما كنت تصيبة أزمات بسيطة سابقة ولكن المريض دوما كان يقول ( أنا كده كويس ) حتى إزدادت حالته سوءًا وأصبحت ميئوسا منها وقضى نحبه بين يديه

..................

- أهو كل واحد فينا زي المريض ده بالضبط
- كل واحد فينا صحته الإيمانية وشحنة الإيماني ضعيف جدًا ومبيحولش يصلح من نفسه
- كل واحد فينا نصحه صاحبه أو أخوه أو أبوه إنه يتوب لربنا أو يحضر محاضرة دينية أو يحافظ على الصلاة فى المسجد لكن دايمًا كان بيقول ( أنا كده كويس )

كل واحد فينا ربنا بعتله رسائل تنبيه مرة وإتنين وتلاته علشان يتوب لكن كل مرة كان بيعرض عن الرسائل دي :

- مرة لما سقط فى المادة الفلانية ... وبدل ميتوب لربنا ويحس إن دي رسالة تنبية ... إزداد فى المعصية أكتر وأكتر
- مرة لما فقد شخص عزيز عليه وكلها يومين او تلاته بالكتير ورجع تانى زى ماكان
- مرة لما كان على وشك إنه يموت لكن ربنا نجاه فى آخر لحظة وبدل ميتوب لربنا ويقضى باقى حياتة فى طاعة لله رجع تاني زي ما كان

يعنى خلاص استنفذ كل الفرص اللى أمامه .. بقى زيه زي المريض اللي الدكاتره جربوا معاه كل حاجه لكن خلاص مفيش أمل .

{وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللّهَ وَاجْتَنِبُواْ الطَّاغُوتَ فَمِنْهُم مَّنْ هَدَى اللّهُ وَمِنْهُم مَّنْ حَقَّتْ عَلَيْهِ الضَّلالَةُ فَسِيرُواْ فِي الأَرْضِ فَانظُرُواْ كَيْفَ كَانَ عَاقِبَةُ الْمُكَذِّبِينَ }النحل36

خلي بالك ..... وصول الكلام ده ليك رسالة ليك من ربنا علشان تتوب ... وربما تكون دي آخر رسالة ليك ... ياترى هتوب ولا لسه هتفكر ... مستني إيه لسه ... مستنى إيه ؟؟ مستنى لما يجيلك الموت فجأة ووقتها ..

حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ{99} لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ{100}

ووقتها ربنا مش هيكون ظلمك فإنت اللى أخترت النهاية دي لنفسك :

{مَنْ عَمِلَ صَالِحاً فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلَّامٍ لِّلْعَبِيدِ }فصلت46

لغاية دلوقتى لسه الفرصة فى إيدك فأوعى تضيعها منك وقرر من دلوقتى تتوب من ذنوبك اللي إنت عارفها كويس أوي ... توب وعيش جنة الإيمان فى الدنيا وإن شاء الله تكون فى جنة النعيم فى الآخرة

{أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ }الحديد16
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53